Luis Zarraga tin contacto cu prensa escrita radial, di web y television na Aruba y e ta conta riba un evento, algo cu ta bay sosode diadomingo. Aki na Aruba tambe ta bay tey pendiente pa esaki.
E consulta popular ta convoga pa e Asamblea Nacional di Venezuela y lo bay wordo realisa no solamente na Venezuela, sino tur pais di mundo, unda cu tin comunidadnan Venezolano, bibando, residencia eynan, tambe lo bay wordo realisa. Tur pais di mundo ya ta convoca pa e gran firma aki. Hendenan ta bay bin y lo bay firma y lo bay apoya e consulta di dia 16 di Juli. Esey ta loke nan ta haciendo awor aki na Aruba. Un pais cu ta wordo agrega pasobra tin un comunidad numeroso, trahado, luchado y cu tambe ta desea di participa den e gran oportunidad di firma pa e futuro, pa e progreso y bienestar di Venezuela.
Esaki lo bay tuma den Cas di Cultura, kendenan a sede e espacio y lo bay ta un hornada interesante pasobra e lo bay cuminsa for di 8’or di mainta te cu aproximadamente 4’or di atardi. Sa cu tin hopi compatriota cu di un of otro circunstancia lo bay ta trahando of ta trahando laat for di trabao. Semper tin un chens cortico, pero tin tambe pa por ricibi nan despues di 4’or di atardi. Ta spera cu masivamente e residentenan asisti.
Pa firma loke ta falta ta pa ta Venezolano, mayor di 18 aña y por haci’e cu e cedula of paspoort evidentemente, sea cu el a expira of no. Tambe e turistanan ta na Aruba of na Mexico of na Portugal y bo tambe kier firma, bo por bay firma. Esey ta e parti mas interesante di esaki, pasobra e hendenan ta desespera. Nan kier firma. Na Aruba, e Venezolanonan tabata tin e apoyo di asina hopi compatriota cu inclusive nan tin transporte cu for di unda bo ta, por yama y un hende lo por pasa busca e firmante pa bin Cas di Cultura, entre 8’or di mainta pa 4’or di atardi pa firma.
E interesante di tur esaki ta cu tin aki loke ta specialmente e consulta cu ta consisti di tres pregunta, caminda cu tin cu marca Si, Si y Si. Cu e tres preguntanan aki ta duna e posibilidad na Venezuela pa por tin libertad, paz, harmonia. Esey ta loke cada Venezolano ta soña dentro y pafo di Venezuela. Cu e tres preguntanan aki, lo bay cambia tur loke ta nifica, loke a nifica den 18 aña, cu no mester a pasa. Si, si y si. E preguntanan ta saliendo den tur prensa nacional, riba website, tur caminda, hasta television internacional, ta haciendo un apoyo grandi riba e intencion di firma aki. E intencion di firma aki lo bay cambia bida di tur Venezolano. Zarraga ta sigur cu hopi compatriota cu ta den exterior, lo bay regresa cu e mirada poni riba e futuro di e pais y ta loke nan kier. Paz.
