Un comerciante ta acusa tanto minister Dangui Oduber como Carlos Yagua Jr. di a comete fraude. E ta acusa nan en conexion cu PCR test, cual ta un proyecto cu el a bin cu ne.
E comerciante, esta Daury Rodriguez Prince, a splica cu su persona a bisa e mandatario cu diabierna e lo bay cas, pasobra tanto e mandatario como Carlos Yagua Jr. a horta pueblo. El a saca algun video riba e situacion. Su intencion tabata pa trece dilanti e berdad, pasobra e personanan aki a horta pais Aruba.
El a indica cu Glenson “Glensito” Oduber tabata busca deal di PCR y a sinta c’un par di hende. E tabata busca deal, pero na final a scoge pa bay deal cu su mes. Nan ta supply Aruba cu tur PCR test di afo.
Un otro punto cu el a trece cu ne tabata riba e plantacion di berdura di cual su plan ta pa supply henter Caribe. Pero e mandatario a prefera di duna e contract c’un compania di Canada. Segun Rodriguez Prince, incluso prome minister a mira su business plan. Tambe el a sigui bisa cu strategicamente el a pone su business plan riba mesa di oficina di abogado Hendrik Croes. E comentario cu el a ricibi di Croes tabata “esaki ta un bon plan pa Aruba. Mi ta bay papia cu Evelyn, e mester hinca e cos ki den presupuesto”.
Pa mas detaye registra riba www.trempan.com.