E cantante Jhonathan Richardson, conoci bou di e nomber artistico CloutRich, di 21 aña di edad, a caba di lansa un tema nobo titula “Mucha on”. El a canta y produci e cancion aki hunto cu Shawn Gotze, conoci como SIX. E cancion ta disponibel riba YouTube.
Mester menciona cu e cancion tin un ritmo y letranan masha “catchy”, cu sin duda lo sa di atrae un publico grandi su tras, tanto e mas hobennan como tambe nos adultonan.
Jhonathan Richardson ta dedica hopi tempo na musica, sea den studio trahando muziek cu su productor y bon amigo, Brannon Croes, of na cas skirbiendo cancionnan.
“Mi ta traha durante dia pa anochi mi cumpli cu e grabacionnan. E aña aki m’a dicidi di tuma muziek un tiki mas na serio ya cu m’a ripara cu e ta echt locual mi gusta. Esaki ta djis e comienso, ainda tin mas pa bin, dus boso lo por spera mas di mi y mi producernan Brannon Croes, JralphMusic y claramente di SIX tambe.
