Informacion di parti Gobierno y Departamento di Salud di Aruba ta suministra e cifranan relaciona cu casonan di Covid-19 pa e dia di awe. Casonan di personanan recupera ta 57 en total.
Mientrastanto ta registra pa awe 78 caso nobo pa Covid-19 (20% Positive rate) caminda ta 1 persona so ta No-residente.
Total pa casonan activo ta awo na 1214 persona total. Pa locual ta trata testnan efectua ta conta cu un total di 519 test, di esakinan 379 bou di residente na laboratorio di hospital.
Lamentablemente cifra pa personanan cu a fayece ta conoce un aumento, cifra ta awo na 25 persona cu a perde nan bida den e lucha contra Covid-19. Palabra di condolencia ta bay na famia di e fayecidonan.
Hospital tambe ta manda su informacion diario cu ta indica cu actualmente tin 45 persona interna. Den cuido intensivo tin un total di 10 persona mientras 35 persona ta isola riba piso general.
