COPA y AVIANCA ta cla sperando pa Aruba habri frontera cu nan mercado

Aruba tin tres conferencia cu ta organisa pa topa su proveedornan: ATCA (Norte Americano), CATA (Latino America) y Aruba Meets AEurope (cada dos aña).  Aworaki ta tumando luga na Aruba esun di CATA unda cu te cu 600 persona ta participando.

Riba e prome dia di e di 30 edicion di CATA, tabatin conferencia y riba e di dos dia tin marketplace, encuentro cu operadornan, y tur e citanan ta cla. Esaki ta loke cu e directora di Aruba Tourism Authority Ronella Tjin Asjoe a duna di conoce.  

COPA y AVIANCA ta cla sperando pa Aruba habri frontera cu nan mercado

COPA y AVIANCA ta cla sperando pa Aruba habri frontera cu nan mercado. Click link pa mas https://24ora.news/3623FXI

Posted by 24ora on Tuesday, September 22, 2020

E ehecutivo di ATA a splica cu a haya hopi bon reaccion for di esnan cu a sigui e conferencia virtual, unda tur cos ta organisa manera tur aña. Solamente cu e participantenan no tabata aki na Aruba pero na nan pais, dilanti nan computer.

Representantenan di COPA y Avianca tambe a participa den e conferencia. Pa loke ta COPA nan ta programa pa cuminsa bula pa Aruba den luna di october. Den e caso di AVIANCA, aunke nan schedule ta papia di dia 3 di october, Ronella Tjin Asjoe ta bisa cu Aruba ainda no a fiha su fecha di reapertura pa Colombia. Inicialmente nan a programa pa cuminsa bula na september, y awor ta papia di october of november. ATA ta spera nan ta spera nan cuminsa, pa ricibi bishitantenan di e mercado aki. Den caso di COPA tambe mester tene cuenta cu fecha di reapertura di Aruba mes y esun di Panama mes, cu te na e momentonan aki ta programa pa 12 di october (vuelonan internacional).

Ambos compania aereo a demostra nan confiansa y compromiso cu Aruba, y cu e isla ta hinca den e itinerarionan cu nan lo bula asina cu autoridadnan permiti esaki. “E enfoke awor ta riba baha e cantidad di casonan pa nos acelera recuperacion di e bishitantenan, sigur pa e dos ultimo lunanan di november y december pa cumpli cu e proyeccion haci, cu ta recuperacion di 40% di loke cu tin aña pasa.”

Anuncio

Gobierno di Aruba dia 11 di juli a anuncia cu despues di consulta profundo cu tur instancia concerni, e frontera lo habri entrante 15 di juni 2020. Frontera lo habri den diferente fase. Lo tuma e medidanan necesario di prevencion pa protega e comunidad di Aruba como tambe nos bishitantenan.

Juni 15 2020

Lo habri e “Bubble ABC” cual ta encera; Aruba, Boneiro y Corsow. Lo por biaha entre e islanan aki di Reino Hulandes den Caribe sin cu mester bay den cuarentena pero haciendo medische screening of test ora di yega (esaki mientrastsanto a cambia).

Juli 1 2020: Lo habri frontera pa Europa, Canada y Caribe cu excepcion di Republica Dominicana y Haiti.

Juli 10 2020: Ta habri pa henter Merca.