Ta conoci cu pa habri un bar-restaurant, e doñonan lo mester di un asina yama ‘Hindervergunning’. Cu varios conseho di departamentonan concerni, Minister di Salud Publico, Dangui Oduber, ta sea otorga un permiso of nenga di duna un permiso. Den e caso aki, e comerciante Rubiano a cana un camind’i cruz, a perde hopi placa, mester a keda hopi tempo cera, a perde su cushina completo, pa motibo di un bataya pisa cu bisiña. Na final, ayera el a gana e guera, ora cu tres hues den Corte Comun di Caribe Hulandes a dun’e rason.
CHELO’S SPORTS BAR
Marcel Croes, na september 2019, a habri Chelo’s Sports Bar & Restaurant. Ta trata di un establecimento riba e caminda principal di Ponton, conoci como Ponton 93, local 3. Dia 18 di september 2019, Croes a entrega un peticion na Land Aruba, pa e ricibi un ‘hindervergunning’ pa un koffiehuis y un restaurant (B vergunning). En espera di e permiso definitivo, Croes a ricibi un permiso temporario dia 8 di mei 2021, pa un periodo di seis luna.
