Den fin di siman a tuma luga Central Training “Proyecto Piloto” bou guia di Monica Pimentel y Stuart Smith.
Presidente di Aruba Taekwondo Bond “ARTBO”, Moises Fernandez tabata contento di mira cu e Proyecto Piloto ta bayendo den bon direccion y cu mas atleta ta participando.
Fernandez a splica tur cu a bin pa prome biaha e motibonan y e direccion cu ARTBO ta bayendo.
Tambe a splica cu tin varios evento unda cu ARTBO lo saca su seleccion na base di e Proyecto Piloto pa representa Aruba.
Monica Pimentel cu a asisti na eventonan internacional unda cu e reglamentonan nobo ta implementa caba, a splica e atletanan di tur e reglamentonan nobo y a uza esakinan tambe den e training.
Nos base mester ta bon pa asina ora nos bay bringa internacional, nos sa kico por y kico no por pa no perde un pelea pa motibo di no sa e reglamentonan nobo.
Durante e training Monica Pimentel a uza e sistema electronico Daedo cu ta wordo hopi uza internacional pa eventonan di Taekwondo pa asina mustra den practica locual a splica.
Training lo sigui pa Aruba ta na e nivel cu mester ta.