Un chauffeur cu diadomingo a logra huy despues di hit and run no a scapa dialuna. E mesun donjo di e auto cu el a hit and run a topa cu e auto. El a sigui e auto y avisa Polis. Na altura di Frio Max na Sero Blanco Polis a logra para e auto. A atende cu e chauffeur pero e cos no a bay facil. E polis di trafico mester a pidi refuerzo pasobra e homber chauffeur su comportacion a laga di desea. Suficiente motibo pa detene. E refuerzo di Polis di Playa y Recherche tabata tey mesora na e sitio. Asina a logra hibe warda caminda cu e chauffeur mester duna cuenta di loke a sosode diadomingo di hit and run pero tambe pa su actuacion dialuna cu a conduci na detencion. E auto a keda confisca tambe.
