Antisocialnan a comete vandalismo na Bushiribana atrobe. Dialuna a tuma nota cu na e atraccion mas bieu na nos isla esta Bushiribana a wordo susha. Antisocialnan a pinta yen di grafiti cu no ta agradabel tanto pa turista y local. Un area cu ta conoci pa saca potret y disfruta di e bunita bista di lama awor ta yena cu grafiti, un acto di vandalismo caminda turistanan ta saca potret no ta tolerabel y ta urgi pa mantene e sitio limpi y nechi. Den pasado gobierno tabata manda hende haci esaki limpi. Awor parce nan ta wardando instancianan bin pero nada. Pesey mes esnan cu ta traha y ta frecuenta diariamente e area tin pensa di haci esaki nan mes.
