Fraccion di MEP tabata tey presente durante un reunion basta largo cu docentenan di seis scol na MFA Paradera. Esaki no ta un prome reunion. Ora cu scucha di e cambionan riba educacion, ta bin un avalancha di cos cu ta preocupante den enseñansa.
Parlamentario Hendrick Tevreden a comenta cu fraccion di MEP a bin pa scucha e maestro y maestranan. Tin di bisa cu berdad tin hopi falta di informacion y tambe falta di conexion entre e dos gruponan aki, esta e maestronan y e parti di gobierno.
E maestronan a vocifera cu nan kier sa di e vision mas cla di e gobernante y tambe nan kier sa mas miho tocante di e structura cu e posibel stichting aki lo tin. Esey ta e preocupacionnan cu ta hiba bek como parlamentario, pa nan tambe por haci conoci di parti di MEP na minister.
Manera tur hende sa, e proyecto di DPS ta riba un hold. Otro cos tambe cu a haya bon durante e reunion aki ta, cu parlamentarionan awor aki ta purba di involucra tur fraccion den tipo di combersacionnan asina. Asina aki e tin di bay, segun Tevreden. Tin cu comunica cu otro habri, scucha otro y purba di yega na otro. Durante e reunion a sinti cu e maestro y maestranan a vocifera nan mes un biaha mas. No ta prome reunion, pero ta diferente reunion cu e parlamentarionan ta bayendo cu nan. Den esaki ta sinti tambe cu sa mas of menos awor aki of mas miho kico ta e preocupacionnan cu ta biba cerca nan y segun Tevreden, cua ta e puntonan clave cu lo por ta importante cu nan lo kier mira como cambio y mehoracion den e parti cu nan ta traha den dje, cual ta enseñansa. E parlamentarionan lo enfoca riba dje. E presupuesto ta na caminda. Como parlamento y fraccion lo bringa p’e sey tambe, pa nan por mira bek, decifra den e presupuesto locual cu nan tin mester pa nan percura sigui duna enseñansa, y mas ainda, aumenta e nivel di calidad di nos enseñansa.
E reunionnan aki ta fructifero, nan ta positivo. Nan ta tuma mas tempo berdad pa yega na otro y scucha otro, pero, al final, bo lo por brinda na e pueblo trahado, na e mucha cu ta bay scol, e futuro di Aruba, un miho pakete, un miho forma con e lo bay ricibi educacion y esey ta e intension tambe.
Presupuesto di enseñansa
Aruba awor aki ta den un situacion unda cu sa cu tin di crece y no bay mas atras. Mundialmente enseñansa ta e cos di mas clave cu tin pa un pais. Si permiti cu por ehempel den e departamento of e cartera di enseñansa wordo minimalisa, automaticamente bo ta mandando enseñansa mas atras. No bisando cu placa ta necesariamente bon den enseñansa. Pero si sa cu e parti financiero lo duna un apoyo si pa percura pa e nivel of permanece of sigui crece, den material, den productonan mas moderno, den miho calidad di infrastructura pa e maestronan. Tur ta riba e mesun liña den fraccion cu enseñansa merece di wordo ricibi den e miho parti di e presupuesto. Den e caso aki, cu posibilidad cu un crecemento den esaki pa den todo caso, minister por haya libertad pa por duna na e maestronan cu ta e pilarnan enseñansa, e toolsnan necesario pa asina nan por duna na e muchanan, e miho enseñansa posibel cu Aruba mester di dje na e momentonan aki.