Tabata un rato despues di 3’or di merdia a tuma luga un accidente na Franse Pas unda posiblemente un di e chauffeurnan tabata bou di influencia di probablemente alcohol.Na e sitio di e accidente a topa cu un auto blanco di model BYD (A-16220) cu sla banda robes parti patras y un Toyota shinishi scur cu su wiel dilanti banda di chauffeur malamente kibra.
Segun e chauffeur di e BYD blanco e tabata biniendo di Sabana Basora bayendo abou, ora el a topa cu e Toyota shinishi biniendo riba su banda. E chauffeur a purba di hala y hasta a trata di baha for di caminda, pero no por a evita cu e Toyota a bin dal den dje. E chauffeur di e Toyota a declara net contrario, y cu ta e BYD a sali su dilanti.
Sinembargo e spoornan riba caminda tabata den fabor di e chauffeur di e BYD blanco.Ora Polis a yega, a papia cu ambos chauffeur y tambe a wak e spoornan. Den esey e Polis a ripara cu e chauffeur di e Toyota shinishi tabata mustra basta bebi y a pidi un transportwagen pa bin na e sitio pa asina hiba e chauffeur di e Toyota na Warda di Polis.
Aki lo presente dilanti Sub-Fiscal unda e lo tin di duna cuenta di su actonan.
