Awe Parlamento a bini hunto pa trata un peticion cu gobierno a haci na e organo. Gobierno a traha un “Begrotingsfonds” pa atende cu e asunto di ilegalnan y tabata kier a haya aprobacion di Parlamento.
Robert Candelaria di fraccion di AVP den Parlamento a bisa cu for di momento cu Hulanda a pone e suma disponibel, nan a cuestiona cierto aspectonan di esaki. Nan no tabata di acuerdo pa e forma cu a aloca cierto parti di e fondo, pa loke ta e parti cu a uza pa compra di containernan.
No solamente nan di AVP, pero Raad van Advies y minister saliente drs. Marisol Lopez Tromp tambe tabatin su preguntanan riba esaki. Hasta DOW tabatin algun problema cu esaki. AVP ta bisa cu e prioridadnan pa cu e proyecto no tabata esun corecto. Sinembargo, nan a opta pa sostene e fondo pasobra e fondo ta necesario awor cu e problema cu Venezuela ainda ta andando. Servicionan manera Cuerpo Policial y Guarda Nos Costa mester di e fondonan pa haci nan trabou di un forma mas efectivo.
A probecha di e reunion y mirando cu tempo duro ta na caminda, a pidi Minister di husticia pa aloca fondonan p e “bijstandsteam:”, siguridad pa esnan cu ta haci e trabou aki, manera busnan y otro materialnan pa e trabou. Pues aunke cu nan no ta di acuerdo cu cierto aspectonan, a bay di acuerdo cu e fondo.
