Diasabra mainta a sosode un accidente y e chauffeur tabata bebi. Durante Ronde van Aruba, e participantenan di e team Greenlink Eagles a bira victima.
Chauffeur di e auto modelo Kia numera A-40601 a dal tras di algun persona cu tabata acompaña e participantenan. Tin participante cu a resulta herida y mester a bay hospital pa haya atencion medico.
Polis a atende cu e chauffeur bebi y deten’e na e sitio. E accidente aki, cu chauffeur bebi a causa, a pone un nubia scur riba e bunita trabou cu a bay bon henter marduga.
A cuminsa un investigacion mesora. A confisca e Kia despues di detene e chauffeur. E accidente a pasa net prome cu 6:00 di mainta riba Green Corridor na altura di Wayaca Falls.
