Autoridad ta haciendo un investigacion y den siman a confisca un auto. E auto estilo SUV marca Hyundai numera A-15468 di aña 2022 tabata para dilanti di Talk Of The Town na Linear Park.
E team di joyriding ta encarga cu e caso. Autoridad ainda no ta cla pa duna mas informacion. Unico detaye cu autoridad a confirma na nos ta cu e ta un caso grandi y cu e dianan cu ta bin lo sali splica riba dje. Mientrastanto desde diamars cu a pasa a tuma e auto den beslag den ora di mainta. Atardi a haci un detencion na mesun Linear Park pero aparentemente no tin di haber cu e caso. E Hyundai Tucson di aña 2022 ta di un persona fam M biba den un compleho di cas den area di Shaba cu Boegoeroei.
Kico a sosode exactamente cu a confisca e auto no ta conoci te ainda. Unico informacion cu tin te cu awo ta cu e ta un caso poco delicado cu den e dianan cu ta bin lo informa mas riba dje.
