Diadomingo marduga, pa mas of menos 2:00 am, a sosode un accidente na Tanki Leendert na altura di Centro di Bario Tanki Leendert, cu un persona herida.
Ta trata aki di un Toyota Yaris, numera A-60525, a accidenta y a dal contra di un palo di luz, kibrando esaki por completo.
Por a nota e parti abao con kibra e palo tabata, unda cu e wayanan tabata colga basta abao. Daño material causa n’e auto tabata basta. Mas tanto riba parti di e fender, parti di e hood y tambe a kibra e luz completo. Chauffeur di e auto a keha di basta dolor na su cabes.
Door cu wayanan tabata colgando basta, mester a yama Elmar pa bin mira e situacion.
Tur cos ta mustra e chauffeur, un hende muhe, su so a accidenta.