Diadomingo marduga polis a detene un hende homber door di no a sigui ordo di polis.
Tur cos ta mustra cu tabatin un situacion caminda cu e homber aki tabata scondi den un auto staciona den e parkeerplaats di The Village.
E persona cu e tabatin cierto relacion cu ne, tabata ward’e den auto scondi. A bin haya tas benta pafo di e auto. Tabata full un suceso.
Tur cos a mustra cu e persona tabata bao di influencia. Tambe por a nota cu e windshield tabata destrui. No sa si e mes a destrui esaki.
A pidi presencia di polis. N’e sitio polis a pidi e homber pa bandona e sitio, pero e na su turno no a sigui ordo di polis.
Na mas cu un ocasion polis a pidie pa e move for di e area, pero e no a tende.
P’e motibo aki mes, e homber a resisti, unda cu polis a mand’e vloer y a pone na boei.
Durante su aresto, e homber a keda puntra polis pakico a detene. E polis na su turno a bis’e cu el a haya varios chens pa e bandona e sitio, y pa e motibo aki mes a detene.
A transporta e detenido pa warda di polis pa asina e recapacita di su actonan.
