Den aula di Universidad di Aruba a tuma luga un charla peculiar riba e historia di e agrupacion musical Doble R, cual tabata na encargo di antropologo, dr. Rene Rosalia.
Rosalia a duna un splicacion tocante e composicionnan di Reginald Recordino, ya cu desde prome cu e banda a cumpli 15 aña el a cuminsa sigui e banda.
El a splica cu Recordino su composicionnan, ora cu scuch’e, cada uno tin un mensahe cu e kier trece dilanti. Su piesanan no ta solamente dushi piesa pa baila, pero nan ta piesanan cu contenido.
