Dia 10 di juli awo e chaman Peruano Carlos Illapuma lo haya sa si tabatin sentido pa a apela e decision di Corte di Prome Instancia cu a conden’e pa viola dos cliente di dje y mishi cu un otro durante e sesionnan di healing cu el a mantene cu nan.
E ta admiti relacion sexual, pero cu consentimento. Na mesun momento e ta admiti cu loke el a haci en realidad no tabata bon, como un profesional, pero el a cay pa tentacion y e echo cu e tabata sinti su mes su so, leu di famia.
E acusado aki tabata esun cu a apela e decision pa motibo cu e no ta di acuerdo cu e decision di Corte di Prome Instancia. El a bisa cu e no a haci nada inapropia. E relacion sexual berdad a tuma luga pero e dos señoranan tabata di acuerdo. El a cuestiona con declaracion di e denunciantenan ta hopi similar na otro. Ademas, si nan no tabata di acuerdo, dicon no a bisa nada mesora. Esaki ta demostra, segun e acusado, cu e denunciantenan no ta papia berdad. E chaman y su abogado a pidi pa declar’e liber pa motibo cu no por proba e acusacionnan.
