Teniendo cuenta cu mucha y hobennan a perde hopi durante e aña escolar aki na Aruba, Fundacion “Centro di Educacion Creativo” a amplia su capacidad pa tuma mas mucha cu ayudo di CEDE Aruba.
CEC ta un proyecto di tra’i merdia (Afterschool programs) pa mucha y hoben di scolnan basico (basisschool) y secundario (voortgezet onderwijs).
Pa mucha di scol basico ta yuda y guia e muchanan cu nan huiswerk. 2 biaha pa siman dialuna y diahuebs.
Pa Secundario tambe ta yuda y guia e hoben cu su huiswerk y ta duna bijles di e materianan: wiskunde, economie, natuurkunde, scheikunde, nederlands, spaans, engels, geschiedenis, INS, ASW. Por scoge entre 2, 3 of 4 biaha pa siman.
Tambe via Cas di Musica tin oportunidad di haya les den un di e siguiente instrumentnan: cuarta, guitara, baho, drum, piano y canto. E lesnan ta pa tur edad, es decir famia completo. Tin descuento ora cu ta mas di un persona di mesun miembro di famia.
Local y facilidadnan ta adapta na e protocolnan di higiena y distanciamento social estableci pa DVG.
E fundacion ta traha riba un base social cu ta asisti hobennan den nan formacion y desaroyo escolar. Juffrouw Angy Pichardo cu ta e coordinador hunto cu un team di docentenan dinamico y profesional ta guia e studiantenan.
Mayornan cu ta busca un logra sano cu lo yuda bo yiu den su desaroyo, bo por pasa personalmente na oficina na Piedra Plat # 50. Entre dialuna pa diahuebs entre 1:30 pa 5:30 pm. Of tuma contacto cu via E-mail: [email protected] Tel: 5855544 / 6995545 Pa mas informacion.
