Maestronan por haya e bukinan colorido ‘Buki di Pensa Caribense’ na Biblioteca Nacional. Tin un copia gratuito disponibel pa tur alumno di grupo 7 y 8. E aña aki tambe a traha e Caribisch Denkbook na Papiamento, specialmente pa e alumnonan di Aruba.
E Caribisch Denkboek ta presenta na e alumnonan e storia local di Segunda Guera Mundial. Kico a pasa na Aruba y e otro cinco islanan di Caribe na e momento ey? Kendenan tabata involucra y cua nan tabata e consecuencianan? Cu ayudo di e storianan di guera, e studiantenan tin e reto di pensa den e nificado di libertad awo.
Na tur e maestronan tambe ta ofrece nan un formacion online di un ora. Como pedagogo, Yvonne Willemsen ta participa den e formacion di maestronan. “Manera añanan anterior, mi lo kier familiarisa e maestronan cu e uzo di flyer y di e manual di maestro den klas. Ta agradabel ora, como maestro, ta ofrece na bo tur esaki den un teblachi plata pasobra no ta tur hende ta completamente hinca den e tarea y tur e extranan online cu ainda bo por uza den e lesnan.
Ademas di e video di testigonan presencial, tambe tin hopi herment digital, website, aplicacion y material cu e maestronan por uza pa enrikece nan lesnan. Ta bon pa mira cu tin tanto entusiasmo pa sigui cu e formacion. E hecho cu nos ta haci e formacion hunto cu e maestro di tur e islanan tambe ta haci cu e aña dificil aki ta special. Realmente nos ta spera di por yega na tur maestro di Aruba. Si ainda bo no tin e flyer den bo poder, registra rapidamente na Biblioteca Nacional. Tin suficiente pa tur.”
