Nos dia Nacional, dia di nos Himno y Bandera no a keda afo di e calendario di celebracionnan cu FAVI ta haci cu su clientenan. Ta importante pa nos keda pone atencion ariba nos propio identidad. E aña aki FAVI a celebra di di Himno y Bandera hunto cu e cliente adulto y tambe e muchanan.
Ariba diabierna 8 di maart, guia di actividad di FAVI a bay cu e muchanan, clientenan di FAVI pa conoce Cas di Torto na Cunucu Arikok. Agradecido na Parke Nacional Arikok y na sr. Salvador Franken cu a coopera cu FAVI pa por a duna e muchanan un excurcion educativo pa conoce e prome estilo di cas di Aruba su historia. Pa e muchanan di FAVI esaki tabata un excurcion hopi interesante caminada cu nan a haci hopi pregunta alcaso na e parkrangernan di Parke Arikok.
Ariba diahuebs 14 di maart FAVI a continua cu su celebracion di Himno y Bandera cu e grupo di clientenan adulto. Aki nos a celebra nos dia nacional cu un programa varia cu weganan popular coordina dor di dos studiante di EPI, Lilien Ponson y Shakyll Laurens. FAVI tabatin un mini feria na unda cu nos clientenan a hiba diferente pasaboca Arubiano cas. Danki na e colaboracion di diferente personanan individual cu a yuda haci esaki posibel. FAVI ta yama danki na tur boluntario, na tur mayor, clientenan y tur otro colaborador cu a duna nan cooperacion pa asina aki FAVI por a celebra nos dia mas importante, cu ta nos dia nacional.
Nos ta gradici sr. Robert Thiel y sr Mario Luidens pa a pone un tremendo ambiente musical.
FAVI kier a desea henter nos comunidad di Aruba un dushi fin di siman di celebracion di Himno y Bandera y pa nos refleha unda nos ta y unda nos kier yega, poniendo semper nos identidad na prome lugar.
