Diaranson dia 20 di maart na Boneiro a tuma luga nan eleccion electoral y ainda tin urnanan cu no a cera. Mayoria di e urnanan electoral a cuminsa cu nan conteonan despues cu tur hende a vota. Tin 2 urna cu ainda tin hnde para den rij pa vota. Segun gezaghebber di Boneiro, Edison Rijnan, manera palabra pa esunnan cu ta para den rij ainda pa bay vota pa 9:00pm, ainda tin e oportunidad manera e palabracion tabata.
E cantidad di hende cu a bay vota despues di 8:00pm, a bay over na un otro sistema cual ta haci esaki manual. Pa gezaghebber Rijna por a trece e cantidad di voto padilanti ta ora cu e prome urna electoral caba di contact e cantidad di voto.
E averahe di esunnan cu a uza nan derecho di voto a bay atras comparando cu 2015. Den final di e votacion lo por haya sa cu e comportacion di voto por a cambia. Segun gezaghebber, den comparacion e aña aki a bay atras cu 4%, di cual 77.85 a bay vota 4 aña pasa y awo ta mas o menos 73%.
E votacion a bay largo unda cu rijnan largo ainda tabatin. Despues di 8:00pm mas informacion no tabata drenta. E fila largo di esunnan cu tabata votando ta hunga un rol importante pa e averahe.
Gezaghebber Rijna no por a duna e cifranan mas despues di 8:00pm pa motibo cu no tabata haci uzo mas di e sistema digital. Door di a bay cu e sistema manual, por duna tur informacion na momento cu tur conteo di tur urna drenta. Tur hende ta en espera riba e cifranan di e urnanan pa tin e resultado final.
