CEDE Aruba su team nobo ta cla pa cuminsa cu un di e actividadnan social mas conoci y anticipa den nos comunidad. Aruba Doet durante 7 aña a yuda trece cambionan structural, eventonan social, clean ups, verfmento, plantacion y un gran cantidad di trabounan social den nos comunidad.
Un di e acontecimentonan social mas anticipa a start sali dunando informacion na diferente instancianan durante un encuentro siman pasa. Durante añanan por a nota e interes den hobennan y adultonan, companianan cu ta recruta boluntarionan cu activamente ta yuda den un of otro instancia. Mas di 3000 boluntario ta yuda durante 2 dia di actividad social.
Tur instancia, boluntario y comercio por cuminsa registra caba online pa asina forma parti di edicion # 8 di Aruba Doet.
Edicion # 7 tambe a conoce un mascota cu a hala atencion di tur hende cu ta
“DOETIE”, un blenchi representado e forma rapido y eficaz di traha di un proyecto pa otro. E edicion # 8 tin un adkisicion adicional, a introduci un “EARLY DOETIE DEADLINE”. Tur instancia cu registra nan proyecto prome cu dia 16 di December 2019, lo ricibi DOETI Gadgets y tambe e boluntarionan lo ricibi nan PICOBELLO Icecream durante di Aruba Doet weekend.
Ta momento pa sea creativo, prepara bo proyecto, pone bo vision pa mehoracion di un of otro instancia. Crea evento social cu nos grandinan personanan cu limitacion of cu nos muchanan. Por registra via website www.arubadoet.aw of yama Vicky of Paulien na 58237666 of 5929545. Boluntario, comerciante, fundacionan registra, corda ban “Haci bon, Pasa bon” cu Aruba Doet 2020.
