Benu Pharmacies di Aruba a sigui cu su charlanan bou d e programa “Benu Health Series”. Diamars ultimo a tuma luga un seminario riba e tema diabetes y su desaroyonan, tanto pa medico profesionalnan y tambe pa publico en general.
Segun boticario Rogier Larik, parti mainta, pa e profesionalnan a bay hopi bon. A papia entre otro riba e ultimo tendencianan di remedi, con diabetes ta origina, kico ta posibilidadnan pa sigui un terapia medicinal y tambe a papia largo riba estilo di bida.
E profesionalnan a ricibi un bon splicacion riba con e malesa aki ta cuminsa, caminda cu e curpa ta bira resistente na insulina. Si nos dirigi riba esaki, por mira e malesa aki na un otro manera. Ta pa e motibo aki mes ta fiha riba estilo di bida, movecion y tambe alimentacion.
A papia basta amplio riba e tema aki.
Peso
Na momento cu Larik a mira e cifranan di diabetes pa loke ta sobrepeso, a tuma nota cu esaki ta un problema serio. Rond mundo por mira cu e cifranan riba sobrepeso liga na diabetes ta creciendo. E ora el a pensa cu tin cu acept’e y haci cambionan na e estilo di bida aki. A palabra cu e profesionalnan, caminda cu a saca afo, caminda cu mester fiha riba un tipo di estilo di bida nobo, no necesariamente un dieet nobo y pero gara e toro na su cacho pa frena esaki y baha e cifranan aki.
Estilo di bida
Larik a sigui splica cu el a tuma nota cu e cantidad di personanan cu sobrepeso ta grandi y ta sigui crece. Ta pa e motibo aki mes el a splica durante e seminario cu mester traha duro riba esaki pa por baha e cifranan aki y haci e hendenan mas saludabel.
Cu estilo di bida, ta papia tambe di alimentacion y movecion. Tambe un tipo di relahacion y con un persona ta sosega anochi. Tambe pa e tin menos stress posibel. Esaki ta factornan cu tin cu traha. Larik mes ta bezig cu su mesun alimentacion y ya caba el a mira resultado. Si abo cuminsa cun’e, bo por experencia cu e por ponebo sinti bo mes mas miho y mas fit. Tambe por tuma nota cu por baha di peso y si unabes cu e estilo bida aki, mirando cu tin cu adapta na cierto remedinan, por bin ripara cu e estilo aki, por bay uza menos remedi y sinti nan mes mas miho.
Publico satisfecho
Eduardo Lacle ta un di e personanan cu tabata t’ey presenta durante e presentacion di boticario Larik. El a haya e informacion hopi bon y importante. Y mirando e presentacion aki, el a dicidi pa pasa cerca e personal trahando cu e programa di Prisma pa asina haya mas informacion riba e malesa di sucu.
Presentacion di Benu
Lacle a sigui comenta cu e seminario cu el a asisti, ta un di e poconan cu e ta asisti. Pero den futuro e lo por haci su best pa sigui cu e otronan.
El a sigui bisa tambe pa loke ta e seminario, e informacion suministra, tin cierto cosnan cu e mes no sa, el a haya sa mas di dje. Pero tin mas pregunta cu sigur e lo sa di busca un contesta cerca e personal trahando pa e programa di Prisma.
Den e charla cu ta parti di e Health Series di Benu, como contribucion pa crea ciudadanonan saludabel, a bini cu hopi informacion dilanti.
Factornan di Riesgo y opcionnan di prevencion di Diabetes.
RogierLarik, kende ta un experto den e ramo di Diabetes pa BENU, ta specialisa den diferente parti di Diabetes, specialmente den e resistencia di insulina y estilo di bida.
E ta tambe envolvi di cerca cu iniciativanan pa mehora e sreening pa personan Diabetico y personanan cu tin riesgo halto pa bira Diabetico, p’asina aki e malesa por wordo detecta y trata mas lihe y tempran posibel. E ta investiga posibilidadnan pa mehora e tratamento den ramo di medicacion, nutricion y estilo di bida.
Publico general https://hs-aua-diabetes-gp.eventbrite.com
• General PublicTuesday November 12th
• Registratie 6.30- 7.00 PM
• Lezing: 7:00 – 8:00 pm,
• MFA Paradera
