Ministerio Publico ta yama personanan cu a haya citacion pa presenta riba 29 di februari venidero dilanti huez di trafico, pa paga prome cu e dia ey.
Esey por online via cuenta bancario 4000905 di Arubabank bao mencion di e parketnummer. Por paga tambe na balie na Ministerio Publico despues di haci un cita via e website www.omaruba.com.
Si bo persona mester presenta riba diahuebs 29 di februari, anto tin te diaranson 28 di februari tempo pa paga. E citacion ta bin na caduca si bo persona paga na tempo.
Logicamente si encaso hende no ta de acuerdo cu e multa cu el a haya di Polis, e tin tur su derecho pa presenta dilanti huez. Huez ta tuma un decision nobo.
Tene cuenta cu Fiscal di Husticia lo exigi un suma mas halto riba 29 di februari y cu por pasa cu hues bay di acuerdo cu ne.
Cu tur pregunta por yama Ministerio Publico of mail na [email protected].
