Fundacion pa Nos Muchanan (FPNM) a anuncia recientemente durante conferencia di prensa inicio di nan curso pa mayor y baby. Ta trata aki di Stima Bo Yiu, Guia Bo Yiu, un curso pa mayor y baby, y muchanan di 0-4 aña.
Natasha Gilkes, directora di FPNM ta bisa cu na momento bo ta construyendo bo cas, bo ta percura pa bo fundeshi ta fuerte y stabiel, unabes cu esaki ta e caso bo ta sigui cu e resto pa completa e cas. Pero si e fundeshi no ta fuerte, ora bo pone bloke e ta tambalia.
Esaki ta netamente loke e fundacion kier preveni pa loke ta trata lantamento di nos muchanan. P’e motibo aki e programa ta enfoca riba e edadnan ariba menciona y di e forma aki ta percura pa e mayornan di e muchanan aki ta ekipa cu informacion, herment pa hunto por ofrece e guia necesario pa percura cu e muchanan aki tin un fundeshi fuerte, cual ta hopi importante pa resto di nan bida.
Lo bay den tur districto
E programa aki a inicia como proyecto piloto na 2021 y sigui despues na 2022. Despues na 2023 a continua cu Stima Mi Guia Mi como un programa y na september Kiwanis a haci traspaso oficial di e programa na e fundacion. “Nos ta kere firmemente den e programa aki,” Gilkes ta expresa. Un averahe di 70 mayor a participa desde su inicio y ta mira cu hopi mas lo participa tambe segun e fundacion.
Lesa mas den TREMPAN.COM.
