Den fin di siman a cumpli 1 aña cu tabatin eleccion riba nos isla. A probecha mesora pa tene un encuesta riba nos website, 24ora.com, pa sa opinion di nos usuarionan pa cu e Gobierno nobo.
Desde e fin di siman pasa e encuesta ta vigente y lo keda te diadomingo awor. Awor cu nos ta net na mita di e encuesta, a raporta mas di 3.300 usuario cu ya a vota. Por vota cu Bo ta SATISFECHO of si bo NO TA SATISFECHO cu e Gobierno nobo.
Te cu awor, 21% di e votadonan a bisa di ta SATISFECHO cu maneho di e Gobierno MEP-POR-RED mientras cu 79% no ta na fabor.
Tin algun dia ainda pa participa, pues lo informa nos usuarionan na final di e encuesta kico ta e resultado final. Tur hende, segun nan profiel, por vota un solo bes.
