Na ocasion di 40 aniversario di Centro di Bario Playa Pabao, S.E. Gobernador di Aruba, Alfonso Boekhoudt, a otorga riba dia 26 di September 2018 un condecoracion Real na Dennis Burke.
E condecoracion Real aki por wordo otorga na Arubianonan cu ta pone nan mes na servicio di e comunidad Arubiano. Dennis Burke ta cofundador, miembro di directiva, tesorero y Presidente di Centro di Bario Playa Pabao desde aña 1978 y a pone su mes na servicio di comunidad.
No solamente e tabata responsabel pa institui un comision hubenil, organisa celebracionnan nacional, huur di e edificio y guia di stagiairenan, pero tambe semper el a percura pa keda mantene tur actividad, hasta na momento di retonan financiero y cambionan di directiva.
Incluso awendia, Dennis Burke ta compromete su mes cu e centro di bario.
Awe, a nombra Dennis Burke como Lid in de Orde van Oranje-Nassau. Masha pabien!
