Debi na e generosidad di e programa special di e organisacion: Caribbean Cable and Telecommunications Association (CCTA), Fundacion pa Hende Muher den Dificultad a ricibi e suma di $1,000 como donacion pa e shelter.
Fundacion pa Hende Muher den Dificultad a keda nomina pa ricibi e donacion aki door di SETAR, cu ta un miembro di CCTA.
Fundacion pa Hende Muher den Dificultad a keda scohi pa ricibi e donacion aki, debi na e servicio y asistencia exepcional cu ta brinda e hende muhernan den difultad den comunidad di Aruba.
Sra. Ronica Moore-Lopez, Sector Manager di Asuntonan Comercial di SETAR a haci entrega di e check den nomber di CCTA y SETAR.
“Ta un gran placer pa mi haci e donacion aki, paso mi sa cu e ta bai keda utilisa pa yuda hende muhernan den dificultad y muchanan desafortuna den nos comunidad.”, asina Sra. Moore- Lopez a bisa na e ocasion aki.
E programa di caridad pa comunidad aki di CCTA a keda estableci desde 1993, y a duna durante añanan cu a pasa, mas di $311,000 bek den comunidadnan den Caribe. Nan budget di donacion ta $10,000 pa aña. Pa 2017, 10 organisacion den Caribe a keda selecciona, cual cada un a ricibi $1,000. Fundacion pa Hende Muhernan den Dificultad na Aruba a cai den e seleccion aki. Riba e potret por mira Sra. Silvia Magaly Maduro, coordinadora di Fundacion pa Hende Muhernan den Dificultad recibiendo e check for di Sra. Ronica Moore-Lopez di SETAR.
The information contained in this communication is confidential and may be legally privileged. It is intended solely for the use of the individual or entity to whom it is addressed and any others authorized to receive it. If you are not the intended recipient, you are hereby notified that any disclosure, copying, distribution or taking of any action in reliance on the contents of this information is strictly prohibited. If you received this communication in error, please immediately notify the sender by return message and delete this communication and any copies thereof, including any electronically saved copies in your systems. Neither SETAR N.V. or its subsidiaries accept liability for any errors, omissions, delays of receipt or viruses in the contents of this message which arise as a result of e-mail transmission. J Consider the environment. Please don’t print this e-mail unless you really need to.
