P.J.S. 60+ Liber na Sabana Liber, Noord, a celebra su prome aña dushi hunto, manera rumannan den un bon ambiente di Cas di soño Estilo caha fuerte y yen color.
Programa a ensera: parti informativo, musica, movecion, baile, terapia di harimento, weganan di antes cu a trece bek bunita recuerdonan. Y ora loco no a keda afo!!! Durante cada encuentro ta trata un rato cortico un topico. Por bisa cu semper e parti informativo ta dirigi ariba informacion/ concientisacion di e topico den un forma relaha. A yega di combersa ariba e.o. e punto si den comunidad, ora menciona mama soltera, si ta pensa tambe ariba tur e mamanan (awendia 60+) cu a keda viuda cu 8 of mas yiu sin ningun ayudo social? Tambe tin e pregunta cu si den comunidad ta realisa cu mester duna atencion y sosten na tur e 60+ nan kendenan ta e fundeshi di hopi famia cu nan norma y balornan y kendenan ta yuda lanta y guia hopi mucha-/hobennan awendia. Deseo ta pa celebra mas aña hunto cu mesun cariño pa otro. Un danki sigur ta bay na tur participantenan, negoshi, instancia y personanan cu semper tabata cla pa coopera cu 60+ di Pro Juventud Savannah. Masha masha danki di curason! Nos lo sigui traha na bienestar di Aruba su 60+nan, ya cu 60+ nan hopi biaha ta e curason y e alma di un famia. " UN 60+ FELIS = UN FAMIA FELIS!
