Caribang Worldwide su Kingsday Special ta cla pa ranca sali riba diasabra 27 di april na Hofhouse na den Haag, y dresscode ta e color oraño. E lineup ta consisti di Afrobros, Chuckie, Essovilla, Jay Stax, Jayh Martina y Steve Andreas, un combinacion di e artistanan di mas popular den musica di Caribe cu caranan nobo den e mundo di musica.
Eldwin Kock, promotor di Caribang World Wide ta bisa cu Dia di Rey ta un celebracion grandi na Hulanda cu hopi festival y evento ta probecha pa haci nan Kingsday Special.
Mirando cu Caribang tambe ta un comunidad y plataforma pa Caribe, nan tambe ta haci varios evento y dicidi pa kico no bay y haci un Kingsday Special tambe pa su hendenan. E ultimo añanan Caribang a crece hopi, consistiendo di diferente hende di Aruba, Corsou, Boneiro y Hulanda mes, el a crece bira hopi grandi.
Esaki lo bira e prome fiesta oficial di Caribang bek na Hulanda. “Den gran forma nos ta bin Hofhouse hopi cerca di Den Haag Centraal, un super localidad cu ta hopi nechi paden, y diasabra por spera un bon show.”
Esaki ta bay ta nan prome fiesta na Hofhouse cu ta un luga masha bunita mes. Caribang ta pusha hopi musica Club, cual por spera tambe hopi musica nobo exclusivo. “Hopi hende riba bon vibe, pasa bon hunto riba Kingsday.” Riba Caribang su rednan social bo ta topa cu e link riba Instagram y Facebook, Caribang Kingsday Special.
