Diahuebs pa mas of menos 10:45 pm, un habitante di Pastoor Hendrickstraat a yama polis pa un candela di mondi memey di dos cas y cerca di un pal’i luz. Esaki a causa basta molester di huma anto net prome cu toque de queda.
A pidi presencia di brandweer, cu a bin na e sitio pa asina percura pa paga e candela. Pa ora cu nan a yega, ya esaki a paga. Toch bomberonan a spuit e resto di e chispanan pa asina evita cu e candela bolbe cende.
