‘Pa nos sigui crece, nos mester sigui transforma’. Esey ta e slogan di Transforma PPA, cu a presenta su candidatonan pa e proximo eleccion.
Awe diabierna, Aruba a cera conoci cu e 17 candidatonan riba lista di e partido oraño, cu ta cla pa e cambio.
Segun Lisette Malmberg, lider di e partido, a comenta cu awe mainta tabata un hopi bon mainta. Ta hopi contento cu den un termino di tres siman, asina hopi persona capaz, cu curason pa nos pais, a bisa ‘Si’ na e yamada ‘Ciudadano ban Transforma’. A haya diferente aplicacion via website, via yamada, via diferente manera pa tuma contacto cu e partido.
Ta 17 persona scogi. Hopi di nan ta tremendo persona y cu trayectorio di influencia pa motibo di servicio den comunidad den diferente area.
Tin diferente profesional den welzijnzorg. Tin ingenieronan civil, tin ingenieronan kimico. Tin personanan cu ta den top di educacion. Tin persona cu ta cubri diferente area.
Malmberg ta hopi orguyoso di e team aki.
Partido PPA ta cla pa e cambio.
CON PPA LO MOVE
Eleccion ta seis siman leu. PPA ta cla. E ekipo ta cla pa bay riba caya. Nan ta reuni riba diasabra, caminda cu ta bay tin full un planeamento hunto cu e ekipo di strategia politico. Unda cu ta organisa un plan pa cada un di e candidatonan.
Malmberg a comenta cu nan tin un representacion total di tur districto pa Aruba. Nan ta representa cada districto. Lo bishita cada districto tambe.
Tin diferente strategia cu lo uza den e dianan aki pa por yega na e cas di ciudadanonan pa por haya e oportunidad pa bishita y pa tin un combersacion pa cambio.
E CANDIDATONAN
Manera a anuncia, Transforma PPA ta conta cu 17 candidato. Nan ta como lo siguiente:
17. Charles ‘Eddie’ Bennett: Ta para pa husticia y paz.
16. Angelo Maduro, ta representa turismo y ta e candidato mas hoben di PPA.
15. Deyanira Zuñiga e ta representa economia.
14. Jacqueline Woodly ta representa famia, comunidad y educacion.
13. Darlene Birsby, ta para pa famia comunidad y educacion.
12. Wilston Tavares-Portes, un persona hopi conoci den comunidad Latino.
11. Hendrik Schaap ta para pa desaroyo economico.
10. Franklyn Bernabela.
9. Claudia Nooren ta para pa husticia y paz.
8. Eugenia Andries.
7. Iwan Vasilda ta para pa construccion nacional di Aruba.
6. Michele Brooks ta para pa gobernacion y liderasgo.
5. Evelyn Pierre-Dumfries ta para pa famia y comunidad, pa salubridad publico y tambe pa famia di Aruba.
4. Enid de Kort
3. Joseandro Chiquito, recursonan nacional.
2. Nathaly Geerman, ta para pa educacion.
1. Lisette Malmberg – lider di partido.
