Diasabra pa mas of menos 1:30 pm, a pidi presencia di tanto polis, ambulance y brandweer pa un caso di candela na Brazil.
Aparentemente tabatin un mata na candela cu a causa cu un persona a bira malo debi na e efecto di huma.
Na prome instante brandweer a yega na e sitio pa combati e candela, pero mester a pidi refuerso di un otro unidad, debi cu e candela a cuminsa na expande y a menasa un otro cas den e vecindario.
Un bisiña a declara cu e habitantenan di e cas banda di dje tabata bezig c’un BBQ y durante e proceso e pit no a pega bon. Esey a haci cu un mata grandi den e cura di cas a pega candela.
Un bisiña na otro banda di caminda a mira candela bay halto, cu el a bati alarma na autoridad di e situacion.