No ta un secreto cu hopi di Aruba su leynan ta anticua y cu lo mester bin un adaptacion na esakinan. Esaki ta conta tambe p’e Ley di Bijstand.
E ley di Bijstand no ta den man di Departamento di Asuntonan Social, pero den man di nos Organo Constitucional mas halto, cual ta Parlamento di Aruba,
Ta conoci cu cada cliente cu aplica pa bijstand, ta bay pasa un test na Medwork. Despues di un siman e entidad aki ta manda nan conseho pa Departamento di Asuntonan Social (DAS).
Pero hopi biaha un cliente no ta contento cu su conseho e por cana su caminda via LAR. E por haci peticion di esaki via DAS y e ta cuminsa cana su caminda. Jesseline Kelly, vocero di DAS a agrega cu nan mes no tin acceso di niun rapport medico di niun cliente. Si e cliente kier cana su proceso via LAR, e lo mester acudi na Medwork pa check si e ta haya acceso na su file. Pa loke ta DAS, un biaha mas nan no tin acceso nan niun rapport.
El a sigui bisa cu motibo di esaki ta cu DAS mes no tin un specialista den cas pa por haci un evaluacion di un rapport medico of pa evalua un cliente of haci su evaluacion medico, esaki ta cay netamente bou di medwork.
BIJSTAND
Pa loke ta e seccion di bijstand, e ta traha puramente a base di e Ley di Bijstand. Tur decision cu si mester baha bijstand, subi bijstand, kita bijstand, cobra bek, tur esakinan ta ancra den ley. Loke e trahado social si por haci ta pa percura pa tin otro solucion practico cu e cliente por tin e guia, cu e por haya toch na manera mas confortabel pa e por biba. Por pensa kisas riba un ayudo di cuminda, pero esaki tambe ta limita. Pa loke ta utilidad, por yega na un acuerdo cu e companianan di utilidad pa bin na un areglo di pago, budgettering, con e cliente ta maneha su placa, kico ta e prioridadnan.
Kelly a sigui cu di un banda pa ley ta ehecuta e decision, e ta cerca na. Pero cambio di ley si no ta den man di DAS, esey ta keda den man di e Organo di mas halto. Loke si DAS ta duna ta un guia pa medio di un trahado social. Hopi biaha ora c’un cliente bin y e trahado di bijstand, ta ripara cu e mester di guia, e por haci e aanmelding na e seccion Guia Social.
Pero pa cambio di ley, esaki ta necesario, pero no ta den man di DAS.
