Directiva di Centro di Bario Playa Pabao ta participa na e hubentud y adultonan di Playa Pabao y di Aruba en general cu e aña aki lo tuma luga su tradicional competencia di fli.
E actividad aki ta tuma luga diahuebs 27 di april pues Dia di Rey na Centro di Bario Playa Pabao. Inscripcion ta tuma luga diabierna 21 april di 4:00pm pa 7:00pm den nos centro. E suma di inscripcion ta 10.00 florin pa fli di categoria A y B y 15 florin pa categoria C. Competencia ta cuminsa Dia di Rey mainta pa 9 ór. Lo competi den 3 categoria: categoria A di 50 cm – 100 cm, categoria B di 101 cm – 150 cm y categoria C di 151 cm – 200 cm.
Tuma bon nota cu den categoria A por inscribi 60 fli, grupo B 60 fli y grupo C 60 fli. Directiva di Centro di Bario Playa Pabao ta pidi participantenan pa tuma bon nota di e categorianan y e orario di inscripcion y ta desea e participantenan tur clase di exito riba e dia aki. Lo tin un bar y cushina bon surti.
Pues bin celebra Aña di Rey den un ambiente familiar na Centro di Bario Playa Pabao. Directiva ta anuncia cu riba e dia aki ta prohibi pa trece bebida riba di tereno di Centro di Bario Playa Pabao.
