Un auto laga bandona riba parkeerplaats na Playa, a manece cu su glasnan kibra. A hiba e vehiculo pa Warda di Polis pa motibo cu no por a haya e doño.
Personanan atento den bisindario di Aruba Experience den Emanstraat a nota un auto cu lanta destrui y a mira dos persona sospechoso den y rond di e auto. No a duda pa yama Polis pa averigua e situacion.
No ta conoci cuanto dia e auto tin staciona eynan, pero a constata cu e glas patras di e Mazda blanco numera A-23442 tabata kibra y tin un lona / paña pa tapa esaki.
Por a mira Polis papiando cu e homber y e muhe na e sitio. E homber a bay pero e muhe a keda y a bisa cu e vehiculo ta di dje. E constata cu e documentonan no ta na ordo. Ora cu nan a bay averigua riba kende su nomber e vehiculo ta registra, a constata sigur no ta riba nomber di e señora.
A dicidi di pidi takelwagen pa transporta e Mazda pa warda, unda cu e doño por presenta cu su documentonan y e por haya su vehiculo bek.
E hecho aki no a bay sin problema. E persona femenino a papia hopi palabra menos bunita cu e polisnan pa motibo cu a dicidi di confisca e auto.
