Diadomingo atardi alrededor di 3:15 pm a sosode un accidente riba Sasakiweg. Vehiculo biniendo for di Noord direccion Playa. Aki un Jeep Cherokee pa un motibo of otro a perde control, bolter y keda pega den mondi band’i caminda.
Segun informacion ricibi, tabatin tres persona den auto, di cual un a resulta levemente herida. Ambulance a presenta pa brinda e persona atencion medico. Polis a cera caminda p’asina e specialista di trafico documenta e accidente aki libremente. Debi cu a ranca un palo di luz, personal di Elmar a presenta pa atende cu e waya di coriente cu tabata colga basta abou. E chauffeur a conta cu; ta recientemente el a cumpra e auto.
