Un caso di hit and run peculiar a tuma luga ayera nochi na Linear Park na momento cu a bati alarma pa un persona pata pata burachi tras di stuur. Un personahe conoci den mundo di arte, coriendo cu auto di trabou a sinta tras di stuur y bay dal den un otro auto staciona den parkinglot.
Na yegada di polis por a constata en berdad cu e chauffeur no por ta tras di stuur, cu e ta bou influencia (pata pata) y segun testigonan e kier a bandona sitio. Nan a deten’e mesora y a trasnport’e cu patruya pa warda di polis. E vehiculo a keda na sitio, tin di menciona cu ta trata di un van Hyundai H1. Esaki a sosode den careda di 2:00 AM cu ta por lo menos un ora despues di orario di ciere caba.
Awo e tin cuenta pa bay duna riba su comportacion publico como tambe daño ocasiona.
