Un poco despues di rotonde di paradijwijk, polis a para un brommer pa haci un control si e tin tur cos na ordo.
Esaki a sosode na altura di Wan Li Supermarket den Lucianitastraat na Playa. Pa mas o menos 7:15PM unidad motorisa a duna e manehado di e brommer Suzuki Gsx shinishi cu sweefarm modifica ordo pa para y asina pidi papelnan reglamentario di e brommer.
Suerte no tabata na su banda, e manehado no por a presenta ni papel di e brommer ni tampoco un rijbewijs valido. No a keda otro opcion cu confisca e brommer. A pidi presencia di takelwagen pa transporta esaki lagando e manehado na pia.
Tin di menciona cu polisnan ta hopi activo y atento ultimo tempo cu control riba brommer. Percura bo papelnan, tanto di brommer como tambe di auto, ta na ordo pa preveni tipo di inconveniencanan aki tuma luga.
