Diaranson atardi Maelynn Fradl di Brazil Taekwondo Stichting a briya como e prome atleta cu a ricibi un pakete di e Kalender 2018.
Famia Fradl a keda contento cu e kalendernan di 2018 y awo nan ta bay subi caya pa cuminsa recauda fondo pa asina Brazil Taekwondo Stichting por cumpli cu su atletanan. E prome palabranan di e mayornan tabata cu nan ta bunita. Esaki ta berdad, mirando cuanto mester a haci pa por a yega na completa e Kalendernan. For di e prome foto shooting na Surinam na luna di Februari te na e ultimo potretnan na luna di Augustus na Aruba. Despues e 3 huradonan a scoge e miho potretnan saca pa Alberto Klabér, despues Mauro Jones a haci su magia cu e layout.
Awo e team di Train Hard Fight Smart lo bay ta ariba e cayanan di Aruba cu un solo meta di bende tur e kalendernan.
Abo cu ta lesa e relato aki tambe por sostene e team di Train Hard Fight Smart di Brazil Taekwondo Stichting. Semper por tuma contacto cu Danica Delamore pa pedido di kalender pa cas y negoshi.
