Esnan cu ta traha cu e contratista Chamba Blou a yega trabou diabierna mainta trempan y topa destruccion riba nan ekipo. Nan ta bezig cu dos ekipo trahando riba e fietspad di Green Corridor. Ora cu nan caba cu e trabou di dia nan ta pone e ekipo na un lugar visible. Ademas di esey nan tin security pa asina cuida e ekipo. Straño ta cu nan a yega mainta y topa ekipo kibra. Despues di busca informacion riba paradero di e security, a bin tende cu el a bira malo y a bay cas. Un situacion masha raro. Nan no a notifica e compania di contratista y tampoco a pone otro security pa cuida e ekipo. Un acto di iresponsabilidad. Polis a wordo avisa di e caso. Na yegada di Polis a tuma declaracion. E pantaya di e machine cu tin sistema computariza a wordo destrui. Mirando cu tin security a laga e yabi pega na e ekipo. E yabi tambe a disparce. E ekipo ta un lease di un compania. Nan tin dos ekipo ta usando y un di e ekiponan so a wordo destrui. Cu e otro ekipo a sigui cu e trabounan pero algo asina dimes ta trece retrazo pa e proyecto di e Fietspad.
