Ministerio di Infrastructura y Waterstaat di Hulanda ta investigando si dos di e botonan “RHIB” cu no ta apto pa uza pa Kustwacht Hulandes, por bin pa nos akibanda. Rijkswaterstaat parce di a haci un fout den nan pedido. E botonan no ta sirbi pa nabega riba un velocidad halto den e olanan halto di Hulanda. Ta pa e motibo ey no por uza nan pa controla botonan di piscamento den Noordzee. E botonan a costa un miyon Euro. E intencion pa bende e botonan den un subasta pa solamente 75 mil Euro cada un no a logra, debi na falta di interes. Minister Cora van Nieuwenhuizen di I&W parce ta mirando e posibilidad pa deshaci di e botonan, door di manda nan pa Kustwacht di Caribe Hulandes.
