Tin por lo menos un compania cu a expresa di ta interesa pa exporta carni pa Aruba. Eric Curiel, ta un cunukero cu yega punto mas halto di su edificio unda e lo cria bestia. Su plan ta pa bende carni di cabrito y export’e pa Aruba.
Eric Curiel, un cunukero na Boneiro, a expresa cu pa su persona e logro aki ta “tremendo”. E tabata un idea riba papel cu pocopoco el a mira cu a concretisa. Durante un entrevista, Eric Curiel a expresa su gratitud pa LVV y pa Qredits cu a financia un parti di proyecto. E plan y e idea cu a tabatin riba papel a bira algo concreto. E ta spera cu aki un luna su proyecto ta completamente cla y habita p’e bestianan cu e mes ta bay cria.
E plan
Eric Curiel su plan ta pa cria bestia manera cabrito y carne pero riba un calidad halto di carni. E kier ofrece e cumprado carni y no weso. Curiel ta bay crusa su bestianan cu otr bestia di rasa (di afo) pa asina e por haya e bestia cu e kier y ofrece esaki na comunidad. Tur e proceso aki lo traduci den un bon prijs pa e cliente. Actualmente Gobierno ta trahando riba prijs nobo. E calidad lo cana pareu cu prijs.
Curiel kier entrega calidad pero riba un prijs cu comunidad por paga. Su plan final ta pa exporta e producto. Corsou ta pidi hopi “carni seca” y e tin esey den mente tambe. El a cuminsa papia cu hende di Aruba, di un manera informal, pa asina introduci su producto.
Den futuro ora un hende mira Queen Clarita Quality Food Products by Clara’s Ranch nan por sa cu ta di Eric Curiel.
Fase final
Ta spera cu aki un luna e proyecto di e edificio ta den ful swing. Ademas aki un luna matadero lo keda cla a asina e por cuminsa mata y corta carni. Tur su carninan ta gekeur y no algo bou palo.
