Diasabra atardi diferente unidad di polis hunto cu Landsrecherche y team forensico di polis a sali for di Playa cabes pariba. A tene un entrada hudicial den Lopezstraat caminda a detene un agente di Wardacosta di Caribe Hulandes cu ta traha na steunpunt Aruba. A haci uzo di entre otro e team di Mobiele Eenheid di Cuerpo Policial cu a yuda pa cera caminda mientras cu e personal di CEA a transporta e sospechoso.
Mirando cu ta trata di un funcionario publico, ta mas cu obvio cu Landsrecherche tambe mester t’ey presente. Ta pendiente mas informacion den e caso aki.
No por bisa ainda e motibo di su detencion, si ta pa motibo di droga of si su lenga ta mucho largo cu ta kima operacionnan secreto etc. En fin, husticia ta confirma cu no ta descarta mas detencion den e caso aki. Ta trata di un noticia den desaroyo. Redaccion di 24ora.com a tuma contacto cu Ministerio Publico y a confirma e noticia. Ta pendiente nomber y fam di e agente.
