Diaranson merdia, alrededor di 12:30 pm, a sosode un accidente semi-frontal na Tanki Flip. Esaki a para riba e caminda santo entre e via di Hato cu Tanki Flip. E accidente tabata entre un Kia Sportage y un Toyota Vitz color cora.
E daño material tabata basta na parti dilanti di ambos auto. Polis a presenta na sitio p’asina documenta y registra e accidente aki. Na sitio, a compronde cu e Vitz a tuma e bocht mucho aden pa cual a dal contra di e Sportage.
Chauffeur di e Vitz a resulta levemente herida. El a ricibi algun sla na cara mientras cu chauffeur di e Sportage tambe tabata keha di basta dolor na curpa.
