Diasabra, dia 20 di november, nos ta celebra “Dia di Mucha” na Aruba. Riba e dia aki tambe ta celebra “Dia Internacional Di Derecho Di Mucha” . Pa e motibo aki directiva di Centro di Bario Playa Pabao ta duna reconocemento na nos muchanan den un solo actividad na Playa Pabao.
E actividad aki ta tuma luga diabierna dia 19 di november y ta cuminsa pa 3:00pm y termina pa 8:00pm. E muchanan tin oportunidad pa hunga den “waterslide”, bula riba trampolin y den Dinojump, hunga den e luchtkasteel, monster truck, pinta cara y participa na diferente wega. Tambe e muchanan tin oportunidad pa gana un celular . Entrada ta completamente gratis.
Ta invita tur mucha pa bin den nan badpak, pasobra ta bay tin un ‘waterslide’. Pa 6:00pm lo cuminsa un ora di locura sigui pa un show “Di Mucha Pa Mucha” cu presentacion di e gruponan di baile y e solistanan hubenil. E prome 300 muchanan lo ricibi un recuerdo di e dia aki. Pues, diasabra dia 19 di november ta celebra Dia di Mucha y ban duna nos muchanan reconocimento riba e dia importante aki y laga nos manera un famia grandi asisti na e actividad aki cu nos muchanan na Centro di Bario Playa Pabao. Asina ta, mayornan nos ta warda boso y bin compaña bo yiu(nan) na e actividad aki. Lo tin un bar (sin bebida alcoholico) y un cushina cu prijsnan di dia di mucha.
Un danki di curason ta bay na Vertegenwoordig van Nederland na Aruba (VNO), y Asociacion pa Trabou Hubenil Arubano (ATHA) pa nan contribucion na e actividad aki.
