Infrastructura di nos pais ta importante. Durante ocho aña, a inverti den infrastructura pa nos pais. Proyectonan grandi manera Green Corridor, Watty Vos Boulevard. Proyectonan chikito manera renobacion di bario, cambio di infrastructura unda cu ta concentra riba e ser humano, e habitante den e bario en bes di riba auto. Ta riba cambionan cu a trece y cambia e nivel di bida di nos ciudadanonan.
Pa e ultimo tres añanan por a mira cu esaki no a sigui. E vision aki a para. E crusada na Palm Beach ta un bibo ehempel di loke e hendenan aki mester a haci y nan no a haci.
Benny Sevinger, parlamentario di fraccion di AVP y candidato number 29 riba e lista berde, ta priminti cu e rotonde cu tin casi tres aña cera, cu tin problema, lo ta resolvi.
AVP lo trece siguridad den trafico, unda cu nos hendenan lo sinti sigur riba careteranan, mescos cu a haci tur otro proyecto.
Pero tambe e proyecto aki lo cuminsa pa drecha nos economia, crea trabao, pone pan riba mesa pa nos hendenan pa tin un miho futuro.
Pero no preocupa. Tin un bon noticia na caminda. Dia 25 di juni awo, lo bay tin cambio den e pais aki. AVP ta esun cu lo bay gana e eleccion y lo trece y crea infrastructura di calidad. Lo trece pan riba mesa, trabao pa nos hendenan pa asina ey tin un miho porvenir y tin un miho calidad di bida pa nos hendenan.
Cu bo voto AVP lo trece cambio.
