Diadomingo manece dialuna, pa mas of menos 1:00 am a sosode un accidente na Tanki Leendert, pa ser exacto un poco prome cu Acropolis Plaza. Chauffeur di un auto marca Toyota, modelo Yaris, numera A-31080, tabata bayendo direccion di e rotonde ora cu pa un motibo of otro a baha caminda na man drechi y ranca un cashi di telefoon, huntu cu un steunpaal y alabes kibra un muraya parcialmente.
E impacto tabata asina fuerte cu e chauffeur a resulta herida, aunke cu e airbag di su auto a bula. E auto a ricibi daño significante, por ehempel ful e bumper a ranca por completo y diferente otro piesa a spart tur rond.
Paramediconan riba ambulance a atende cu ne na e sitio mes mientras diferente patruya a tene e caminda cera pa trafico pa asina investiga con e accidente a sosode.
