Trabounan tabata andando diadomingo atardi riba un edificio banda di ex hotel Central situa patras di Caya Grandi Playa, na momento cu e slang di e “manlift” a kibra y laga azeta hidraulico basha riba gran parti di e parkinglot.
Polis a tuma nota di e sucedido. Por a nota diferente spoor di taira di auto cu a pasa den e azeta, probablemente e chauffeurnan no tabata sa y lo a haña nan den un scual cu e auto a slip.
E compania responsabel cu ta andando cu e proyecto aki, a priminti di drecha e aparato. Tambe a informa cu nan lo basha santo riba e azeta pa asina minimalisa e riesgo cu mas auto por slip y causa desgracia. Ta spera cu esaki sosode den trascurso di awe ainda mirando cu mayan ta dialuna y hopi mas vehiculo lo transita e area aki.
